NASA konfime ke gen yon osean souteren global sou Enceladus
 |
| Plis n'ap etidye sistem solè a, plis n'ap dekouvri dlo |
Nou te konnen te gen
dlo sou Enceladus depi yon ti tan deja,
men NASA fek konfime yon teyori tou nèf sou lalin Satin nan ki gen glas ladan :
li gen yon oseyan souteren ki nan glòb la tout antye. Nouvèl la vini jis yon ti
ponyen mwa apre ajans lan fin dekouvri prèv ki montre chemine idrotèrmik, ki fè
yo kwè ke yo dwe entegre nan fòmasyon lavi isit la sou Latè.
Konfimasyon an te
fèt lè yo sèvi avèk rechèch Cassini yo - yon veso spasyal ki te rive nan Satin
nan lane 2004 e li te pase dènye dizan yo ap etidye planèt la ak anpil lalin li
yo. (Li te lanse nan lane 1997.) Chèchè yo te itilize Cassini ki mezire
tranbleman nan òbit Enceladus nan Satin, yon bagay ki "kapab fèt sèlman si
kouch glas deyò a pa ka friz solid pa anndan."
Enceladus se youn
nan yon ti ponyen kote nan sistèm solè
nou an kote ou ka wè jet likid kap soti nan sifas li , epi li pa t 'pran anpil tan
depi Cassini te rive pou NASA te kapab konfime ke lalin nan ap bay dlo likid. Men, pandan ke etid
anvan yo sou Enceladus te oryante ve yon lanmè souteren, yo te panse ke yon bon
pati nan dlo a te gen fom yon lantiy, e petèt li te okipe sèlman yon pòsyon anba vant Enceladus .
"Sa se te
yon pwoblèm difisil ki te mande pou pliziè obsèvasyon, ak kalkil ki enplike divès
disiplin, men nou kwè nou jwen verite a,"
se sa Peter Thomas, yon manm nan ekip Cassini a nan Cornell University, e otè prensipal
dokiman an , te di nan yon nouvèl detaye.
Ekip la
skrupulezman mezire e swiv mouvman Enceladus, e yo evantyèlman dekouvri ke
gravite Satin la te dodine lalin nan nan òbit li tout tan tout tan men yon ti
kras. Yo te kapab sèvi ak enfòmasyon sa a pou fe model anndan lalin nan.
Si sifas la ak kè Enceladus te konekte solidman, ta gen twòp pwa mo e tranbleman
yo ta dwe mwen pwononse. Sèl Bagay ki ta
ka fè yon tranbleman ekzajere konsa se ta egzistans yon kouch global likid ki ta
separe sifas la ak nwayo a.
Cassini poko fini
ak Enceladus. Veso spasyal la pral fè yon pasaj trè kole nan fen mwa
Oktòb - jis 30 mil (49 kilomèt) anwo sifas la - epi li pral Buzz nan youn nan
panach materyèl glas yo .
Enceladus pa pou
kont li lè se koze oseyan souteren .
Europa - youn nan lalin Jipitè yo - gen yon oseyan souteren tou, epi li se
objektif youn nan pwochen misyon syans NASA.
E nan mwa mas ki sot pase a, NASA konfime ke Ganymede, yon lòt lalin Jipitè , genyon lanmè souteren tou. Prèv ke dlo ak dlo glas sou anpil lòt lalin ak planèt egziste
tou. Li sanble kelkeswa kote nou gade,
nou wè dlo - menm si li pran yon ti tan pou jwenn li .
Commentaires
Enregistrer un commentaire